Izartu, Euskal Autonomia Erkidegoan gizarte-egoera ahul eta defizitarioan dauden hiri-eremuen gizarte eta ekonomia birsorkuntzarako eta lurraldea biziberritzeko tresna da. Horretarako, toki mailako programa integralak beste batzuekin batera finantzatu nahi ditu, alde bateko arazo zehatzei ikuspuntu orokor batetik eusten dieten programak, alegia.

Ildo horretatik, Eusko Jaurlaritzak ekimen berria ezarri du, hain zuzen, egoera ahulean dauden inguruneetan parte hartzea, hiri-eremuak suspertzeko politika garatuz eta toki administrazioetan oinarrituta.

Izartu II (2004-2008) programaren Jarraipen eta Kontrolerako programa integrala Artzentales, Turtzioz eta Zallan garatzeko ekimena bere gain hartu du Enkarterrialdek. Diru-laguntza garrantzitsua da programarekin bat egin duten udalerrietako gabeziak arintzeko eta, baita ere, eskualdeari bultzada emateko; izan ere, programan aurkeztutako jarduera batzuk horri begira daude.

Turtziozeko Udalak gizarte eta ekonomiaren birsorkuntzarako eta lurraldea biziberritzeko Eusko Jaurlaritzaren Izartu programan sartzea eskatu zuen eta horrela, 2004. urtean diru-laguntza lortu zuen azpiegiturak burutzeko. Lan horiek bost urtean egingo dira eta Izartuk aurrekontuaren %75 finantzatuko du. Aurrekontu handi horri esker, oso azpiegitura beharrezkoak amaitu ahal izango dira gure herrian.

Turtziozek 1.875.000 euroko diru-laguntza lortu du bere azpiegitura ugari hobetzeko. 2004ko bigarren seihilekoan premia handiko obra bati ekin zitzaion: herriko kaleetako argien instalazioa.

Turtziozeko Udalak, hirigunetik hurbil dagoen Muñanes ingurunearen urbanizazioari ekin zion 2005. urtean. Alde horretan daude kirol instalazioak, udal igerilekuak, gutxi barru etxebizitzak eraikitzeko eremua, udal aterpetxea, etab. Hori dela eta, jende ugari igarotzen da leku horretatik.

Alde horretan gaur egun ez dago oinezko sarbiderik eta beraz, istripu arriskua dago beti.

Muñanesko urbanizazioa dela eta, bertan sartzeko espaloiak eraikiko dira eta Muñanesko industria poligono berriaren kokalekuaren zati bat urbanizatuko da.

Jarduketa hori biztanle guztien onerako izatea nahi du Turtziozeko Udalak, gizarte eta ekonomiako garapena erakarriko baitu herrira.

Datozen urteotan, saneamenduko obrak eta zabor eta hondakin edukiontziak lurperatzeko lanak egingo dira, besteak beste.

1.Muñanesko gizarte-eremua eraiki eta urbanizatuz, Turtziozek azpiegitua publiko hobeak izango ditu.

2.Herriko jolas eta kirol ekipamendu gehiena Muñanesen egongo da (igerilekuak, pistak, udal aterpetxea, atsedenlekuak...) eta beraz, aipatu jarduekta biztanle guztien onerako izango da.

3.Enpresa batzuek osatutako Elkartegi bat ere egongo da alde horretan eta horrela, herriko batasun sozioekonomikoa ere hobetuko da.

4.Era berean, eremu horretara joan behar duten oinezkoen segurtasuna areagotuko du jarduketa horrek.